舞雲(投資討論及分析股票,金銀業,期貨,外匯)

2016年1月16日星期六

恐懼反沙

好多人都覺得可能因為這次溶制,令到股匯市跳左制。而不知所措!
如果輸緊錢既你,唔好太灰。下次再有大跌,一定要識以下幾個心理作戰法!
投機市場最為難控制是個人心理!
越老練的人,經閱多的人都會認同投機市場大升大跌都是玩弄人的貪心和恐懼心!

1. 恐懼反沙法
好多人越跌越驚就唔想走,包括筆者我也中招過!
當你越感越恐懼的時候,唔好諗甘多!一定要即刻反手做沽!
唔係吹水,七成人都會越跌越驚越唔理,就甘鎖倉或止蝕或買升博希望!再唔係擺一年半載做蟹民。
這個想法是錯!

執行條件是剛出現大跌第三日,多數開始意識到驚!如果是個別事件就很難應用!如果是世界經濟體系同期出現大跌就能應用!例如美歐中港日股市齊跌跟個勢!越恐懼個下,就要做反手。
因為後期第四五天如果是出現反升,但力度不足大跌的4.5-7成,就係牛想試力同熊鬥緊,如反彈力不足,做唔到大陽燭連二/裂口高升/大陽加陽長針(轉勢Mode)!
危機性更高!
升一天跌多四天!
如果要用現實來比喻,就好像一支針筒插落你個身上抽血,1》知道打針抽血會驚,2》擦酒精個下開始成身打冷顫,3》慢慢打入你身體(好痛好驚)!4》以為好似插完抽緊你血。5》但原來插唔到血管,要重新又來插過抽血。6》呢一下仲痛!7》護士再同你講。第二下都插唔中!8》再插多你一下!問你痛未!但第三四下都係抽唔到!

插針抽血係咪阻止唔到?但其實第二下個陣,你可以醒覺叫換第二位有經驗的護士插你!

人就係甘犯賤,經歷大跌而唔作出變應!這次是你好經驗同反思!

星期一跌近萬八尾點似會很快完!為什麼!?因為大行開始部署買貨!
這次大跌是因機制變出來的藉口,加上經濟下滑消息,油價大瀉!
產品價格到超賣位,相信是吸貨時機!
經濟下滑已經不是新鮮事!上年已開始出現!而溶制亦暫停了。
1月尾至2月都會萬九至二萬走來走去!
要瀉既都瀉到8成!
而去到萬八是掃貨機會。上返二萬要識食賺走人。
因為好多人仲蟹緊貨輸大錢,消費力投資力下降,足以影響經濟體一段時間!政府出手出水都係振興市場興奮而不是入水落你戶口!
做長線的可以在這刻超賣區做多些貨。其次中線區買貨比例減三至四成,拉高返平均價。
筆者 舞雲
16/1/2015

2015年11月8日星期日

新時代工具 Uber



在你中環、尖沙咀玩到夜媽媽的時候,想找架的士並不是難!但如果你遇過濫收的士費用!態度差的司機你都要焗住比錢用這種服務。

你這刻就會想使用Uber!
剛剛Uber!登錄香港無這麼方便,預約車要一段時間。但近期我又使用返!時間同方便性提升了。
最可惜是香港Uber還未能正式白色通行!
大家都有聽新聞了解,如果通行Uber會帶來社會同相關行業的問題!

新時代的工具帶來新衝擊!帶來使用者「共善」。但可能破壞了舊有的規限和損害了其利益!

政府如何處理Uber這案子亦是55/45中。
如身在使用者中,當然想有一個好的乘車工具!

使用Uber的邀請代碼,crnn9wz3ue,並獲取最高價值 HK$100 的免費Uber乘車優惠。可於 https://www.uber.com/invite/crnn9wz3ue 兌換。

2015年6月20日星期六

咖啡仔故事 上


想分享一個故事
今日係北角坐叮叮到西環,撞返位舊朋友!
他是......一位「朋友」
佢做開網上交收,岩識佢個陣做交收,在08-09年,係討論區同Yahoo拍賣網認識,交收D玩樂模型玩具,第一次同佢交收係旺角地鐵站,要就大家落腳點,識交收一定係旺角站。睇佢個樣唔過25,廿歲頭。白白淨淨。四眼仔,講野口lag lag。

交收後識落了,傾過幾次,個時仲興MSN,就傾下計。原來他早上在辦公室做緊普通文員兼平面網頁設計,收工後做交收,一星期三至五天做麥當勞McCafe。 我就問佢,你好等錢洗咩?
佢就答,我無學歷,家境普通。中五會考得一分。我Photoshop website 設計都係自學先好彩有人請我。月入得8000,計埋MPF先7千幾。我返McCafe是我以前中學個時開始做麥當勞,做到現在,由17蚊一粒鐘加到我25.5蚊。之後轉左去McCafe。呢家都係兼職住,等日後邊度找到路搵到錢,我就會轉。而且我覺得還可以接受,唔太辛苦。交收同McCafe暫時都就到時間。
聽完佢講後,我覺得也不算什麼,因為世上還有更多比他努力辛苦的人。
聽完佢以前工作史,再加深認識他後。再傾好多野,我就問佢做交收都算係生意,你覺得點,好無做,搵到錢啦應該?

佢就答:個個都係想搵錢,但競爭是一定有,而且是令我進步的階段。價格戰是無法避免,因為大家賣的貨都可以從大陸供應商取貨,甘我做網上,慳左鋪租。但屋企四百零尺五個人住,每次訂貨返來都係放係床隔離,比家人鬧爆。

我就問佢,甘你點競爭點加多你銷售額?
佢就答:有一次我同個客交收一副戶外運動眼鏡,佢原本約左7點旺角,但佢有事黎唔到。之後放左我飛機,我就繼續MSN佢,問佢幾時方便,佢話「後日要用。聽日有野做!趕不到,不好意思。」之後我就問佢,如果我聽晚過來你個頭附近交收比你方不方便?個客就say ok ,但佢仲要有要求話要晚上十一點才得閒,我心諗.......之後我第日收工做哂交收,夜晚再去左佢西環屋企樓下交收。終於完成!之後坐叮叮返家。在叮叮過程中,諗返頭先交收。佢無多謝我專誠過來同佢交收,好快check完就比錢。
當然啦!
此刻我慢慢想悟,大家一買一賣,利益行頭。做生意唔好望人地會多謝你先,會令你賺多錢先。但你唔主動做,人地連識你機會都無,講唔該多謝機會都無,想覆單機會都無。我覺得客戶服務開始很重要。
之後過幾日收到佢MSN,話個產品幾好。就-完- 
個刻我都開心,好過無。

朋友。
佢講呢番說話,我感受到做生意努力真誠係對自己一份責任同進步。
雖然覺得佢做交收。做極都可能係細生意,但佢起碼有呢份心同衝勁先。

我記得有一次係灣仔MTR撞到佢交收,睇見佢同客有講有笑。
之後行去Say hi ,見到咪傾幾句。就問佢呢期點,係咪都係一打三啊?
佢就答:都係甘啦,早office 晚交收,但呢家返小左cafe,交收多左。

我就回應佢:幾好啊,多左生意。甘做咩仲繼續做cafe?
佢就答:我好鐘意cafe and coffee,之前未返office,我PT做過Starbucks,有時會去睇書睇片學下咖啡,我想有得沖咖啡拉下花。你磨完豆,壓粉,睇住Expresso流出來。我覺得這是我另一方面興趣life和舒壓。
甘聽完佢吹水,大家就拜拜,得閒再聯絡。

有日收到佢MSN,大約係09年尾。
佢話同朋友夾份開左樓上鋪,細細地。甘我緊係恭喜佢啦。
睇住同佢地鐵交收到開鋪,雖然間鋪真係好細,但都係一個「開始」。
我就問佢,你終於放身做生意啦?
佢就答:唔係啊,我早上都返office,放五半趕來開鋪,有時伙伴會互相夾時間睇鋪幫手,大家都要打工,淨睇鋪...頭幾年一定食屎啦,邊夠大家出糧生活。
跟住我就答,甘都好啊,起碼唔洗一打三啦。
今次佢就答...(好令我回味記憶)。
佢答:我收鋪收九點,趕到時間返夜,呢家老麥經理按排左好正個時間表比我,比我返4hrs 收close。 而且一星期返二三日就ok,我覺得當補幫小小都好過無。
之後我就嘆氣左...同佢講,你不如比心機上網搵計又好睇書又好,加快自己門生意技巧同銷售提升。
佢就答:我現在晚晚都做緊!但你知唔知我缺咩?
佢就繼續答:我問緊銀行借錢,希望可以入多D貨賣。
我聽完之後,覺得Work,就叫佢繼續比心機。銀行借錢低息,而且你係做生意。錢搵錢,就算輸左。你都年輕,好易返身。
之後我買左八百幾蚊野就笑住走,最後「thanks thanks 」左佢一下。

暫完

待下集
20/6/2015
舞雲

2015年5月23日星期六

旺市摸高定搵撈底股?

8123,3818,491
睇圖!
一破就破頂介紹!覺得高追定落後。自己睇價同成交!
旺市人人摸高總好過撈底,底幾時先到?大旺市有底撈先要諗先驚。旺市摸到高?高山還一出高!

2015年4月3日星期五

327 距離目標價

距離上一個文章目標價不遠

雙誠做人

做人做生意,個個都有別有用心的險著的一面。但不要因為這樣就告吹和他人打交道的念頭。只要你對人誠懇誠信,就算自己是打算盤的人。只要你是「雙誠」,重經驗智謀,城府再深的人都會想跟你做朋友做生意。因為他也是這種人!


- 舞雲


327 中線看$10-$15

327 中長線看$10-$15

業務是各市場將來及發展中的項目會有有需求增長。業績也很好。作為中長線看高$10加等派息。


2015年1月17日星期六

白表申請超五萬

白表申請超5萬
推算5萬買家
但居屋今期只有二千伙
未計算綠表。
5萬幾人爭二千幾個單位。

換言之有白表五萬名買家(限入息)等買樓,居屋以市價七折出售是相當吸引,而且管理費平。在所謂樓價高的時候低收入的市民只能望抽居屋及公屋入表。
新施政及房屋供應未來十年會有42萬個。公營佔六,私營佔四。
平均每年約有四萬二單位,但這只是平均數,勾地到起樓約五六年時間。十年的通脹,建築材料價格能控制嗎?42萬個的單位共要幾多幾大的土地供應?1個大型屋苑嘉湖山莊共幾多個單位?香港的現時土地供應緊張,要選新地還是重建舊區?!好難想像龐大供應量在如此土地供應下完成這件事。
如未來樓價再升20-40%,當出現經濟危機會跌幾多%,如跌40-50%樓價持貨,待經濟好轉。等同97-03年買入樓價,當時負資產,經歷至今,現時已經變有賺。
近水不能救遠火,這次施政一出有助低收入市民上車。時間讓年青人準備資金再等好運抽籤。
但未來的樓價反升小跌。因然供不應求,政府亦不可再進一步打壓樓價,但可打壓買樓的人。視乎他們是自住還是投機。如再一步打壓樓價只會重演97當年,不論是居屋還是私樓業主同樣受挫,業主成負資產變相銀行會出現承債風險,整個投資環境風雲變天。銀行出事後最後會到政府出手幫助。風險更加大。
所以未來幾年內樓價會繼續平穩持「高位」,波線走勢會小跌繼升。而現價「高位」亦會幾年後消化,再以創新價成「高位」,居屋亦要跟著市價而打折出售。現發展商配合政府一邊幫助推出年青人租住,另一邊樓價加升。如樓價不加反跌,加上居屋政策,有機會令市場產生恐慌,導致業主降價出貨。只會更顯示政府一推出居屋政策會導致新一輪樓市危機(樓市~股市)。相比發展商加小小價,給予有能力買樓的人置業,總好過樓價崩潰。令全香港人水深火熱。
舞雲